गरुड आणि घुबड

सर्व पक्ष्यांत सुंदर मुले कोणाची, हे एकदा प्रत्यक्ष पहावे म्हणून गरुडाने सर्व पक्ष्यांस आपापली पिल्ले घेऊन दरबारात हजर राहण्याचा हुकूम केला. त्याप्रमाणे सर्व पक्षी हजर झाले व प्रत्येकाने आपल्या पिलांच्या सौंदर्याची खूप स्तुती चालविली. शेवटी घुबड पुढे झाले व म्हणाले, ‘केवळ सौंदर्याकडेच पाहून जर मुलांची निवड करावयाची असेल तर माझ्या मुलांसारखी सुंदर मुले त्रिभुवनात सापडणार नाहीत !’ हे भाषण ऐकून सगळ्या पक्ष्यांत एकच हशा पिकला व त्यांनी त्या घुबडास तेथून हाकून लाविले.