झटपट उडीदमेथी

साहित्य :

  • ५०० ग्रॅम मोठे बटाटे
  • २ वाट्या ओले खोबरे
  • ४ मोठे चमचे तेल
  • २ चमचे उडदाची डाळ
  • अर्धा चमचा मोहरी
  • पाव चमचा मेथी
  • पाव चमचा हिंग
  • पाव चमचा हळद
  • दीड चमचा मीठ
  • दीड चमचा तिखट (आवडीनुसार)
  • लिंबाएवढी चिंच
  • सजावटीसाठी कोथिंबीर

कृती :

चिंच तासभर भिजत टाकून नंतर कोळ काढावा. बटाट्याची साले काढून लांब चिप्ससारखे तुकडे चिरून पाण्यात ठेवावे. नारळ बारीक घ्यावा. मोठ्या पातेल्यात तेल तापलेकी त्यात उडदाची डाळ बदामीसर परतावी व मोहरी घालावी. मोहरी तडतडली की खाली उतरून मेथी व हिंग घालावा. लगेच बटाट्याचे तुकडे, हळद, तिखट, मीठ व तीन वाट्या गरम पाणी घालून पुन्हा चुलीवर ठेवावे. बटाटे शिजले की चिंचेचा कोळ घालावा व २-३ मिनिटे मंद उकळू द्यावे. नंतर वाटलेला नारळ घालावा. ढवळून पाच मिनिटे शिजवावे. वाढताना असल्यास थोडी कोथिंबीर घालावी व वाढावे.

भाताबरोबर किंवा पोळी-भाकरीबरोबर छान लागते.