जिर्‍यामिर्‍याची सौम्य डाळ

साहित्य :

  • १ वाटी तुरीची डाळ
  • २ वाट्या पाणी
  • १५० ग्रॅम (१०-१२) फरसबीच्या शेंगा किंवा तोंडली
  • ४ हिरव्या मिरच्या
  • अर्धा चमचा मिरी
  • अर्धा चमचा जिरे
  • १ चमचा मीठ (किंवा जास्त)

फोडणीसाठी :

  • ३ चमचे तेल
  • अर्धा चमचा मोहरी
  • पाव चमचा हिंग
  • अर्धा चमचा हळद
  • अर्ध्या लिंबाचा रस

कृती :

जिर्‍यामिर्‍याची सौम्य डाळ

जिर्‍यामिर्‍याची सौम्य डाळ

डाळ शिजत ठेवताना त्यात चिमूटभर हिंग, २ चिमट्या हळद, पाव चमचा तेल, उभ्या चिरलेल्या हिरव्या मिरच्या व फरसबीच्या शेंगाचे तुकडे घालावेत.

वांगी किंवा तोंडली असल्यास देठ काढून टाकून मध्यम तुकडे करावेत व भाजी डाळीत घालून पूर्ण शिजवावी.

तव्यावर किंवा छोट्या कढईत वा पातेलीत पाव चमचा तेलावर जिरे व मिरे बदामी परतावे व त्याची पूड करावी.

शिजलेल्या दाळीत ही पूड व मीठ घालावे. तेलाची फोडणी करून (मोहरी, हिंग व हळद) डाळीवर ओतावी व डाळ खाली उतरवावी. लिंबाचा रस घालून लगेच वाढावी.

जिर्‍यामिर्‍याची सौम्य डाळ ही पथ्यासाठी किंवा आजार्‍यासाठी फार चांगली आहे.