काकड आरती

कांकड आरती

कांकड आरती

भक्तीचीये पोटीं बोधकांकडा ज्योती ॥
पंचप्राणें जीवें भावें ओंवाळूं आरती ॥ १ ॥

ओंवाळूं आरती माझ्या पंढरीनाथा ॥
दोन्ही कर जोडुनी चरणीं ठेविला माथा ॥ ध्रु० ॥ २ ॥

काय महिमा वर्णूं आतां सांगणें तें किती ॥
कोटि ब्रह्महत्या मुख पाहतां जाती ॥ ३ ॥

विटेसहित पाउले जिवें भावें ओंवाळूं ॥
कोटी रवि शशि जैसे उगवले हेळूं ॥ ४ ॥

राई रखुमाबाई दोघी उभ्या दों बाहीं ॥
मयुरपिच्छचामरें ढाळिती ठाईंच्या ठाई ॥ ५ ॥

तुका म्हणे दीप घेउनी उन्मनींत शोभा ॥
विटेवरी उभा जैसा लावण्यगाभा ॥ ६ ॥

One thought on “काकड आरती

Comments are closed.