Category Archives: लोणची

लोणची | Pickle Recipes

मिरचीचे लोणचे

मिरचीचे लोणचे

मिरचीचे लोणचे

साहित्य :

  • १ किलो लांबट हिरवी मिरची
  • २ वाट्या मोहरीची डाळ
  • अर्धा चमचा मेथीची (कच्ची) पूड
  • दीड चमचा हळद
  • चमचे हिंग
  • २॥ ते ३ वाट्या मीठ
  • १२ लिंबांचा रस
  • १ वाटी तेल

कृती :

एका मध्यम आकाराच्या परातीत किंवा ताटात मोहरीची डाळ, मेथीपूड, हळद व हिंग घालावे. लहान पातलीत तेल कडकडीत तापवावे. धूर दिसेपर्यंत तापले की परातीतल्या जिनसांवर ओतावे व झार्‍याने ढवळावे. मसाला एकत्र कालवला गेला की गार होऊ द्यावा.

मिरच्या धुवून फडक्यावर कोरड्या होऊ द्याव्यात. त्यांचे आपल्या आवडीनुसार बेताचे तुकडे करावे. मिरची यंत्रात बारीक केली तरी बिघडत नाही. त्यात ४ चमचे वगळून बाकीचे मीठ मिसळावे. गार झालेल्या मोहरीच्या डाळीचा मसाला घालावा. उन्हात ठेवलेल्या बरणीत तळाला २ चमचे मीठ घालावे. बरणी गार असावी. त्यात मिरच्या व मसाला कालवून भरावा. वरून दोन चमचे मीठ घालावे. दु्सर्‍या किंवा तिसर्‍या दिवशी बारा लिंबचा रस काढून लोणच्यात घालावा.

लिंबाच्या साली फेकून देऊ नयेत. सालीचेही चवदार लोणचे बनवता येते.