मिश्रडाळींचे वडे

साहित्य :

    • १ वाटी चणा डाळ
    • १ वाटी मुगाची डाळ
    • १ वाटी उडदाची डाळ
    • अर्धी वाटी तुरीची डाळ
    • अधी वाटी मसुराची डाळ
    • २ सें.मी. आल्याचा तुकडा
    • ७-८ हिरव्या मिरच्या
    • १ वाटी ओल्या खोबर्‍याचा किस
    • १ वाटी चिरलेली कोथिंबीर
    • १ चमचा जिरे
    • २ चमचे मीठ
    • अर्धा चमचा गरम मसाला (असल्यास, नसला तरी चालेल)
    • तळण्यास तेल

कृती :

मिश्रडाळींचे वडे

मिश्रडाळींचे वडे

सर्व डाळी वेगवेगळ्या भिजत घालाव्या. दोन तासानंतर पुन्हा स्वच्छ धुवाव्या व निथळाव्यात.

आले-मिरची-जिरे, व मीठ एकत्र वाटावे व डाळीही वाटून घ्याव्या. त्यात खोबरे, कोथिंबीर व मसाला घालावा.

जास्त तिखट हवे असल्यास थोडॆ लाल तिखट किंवा मिरेपूड घालावी. चमचाभर तेल घालून मिश्रण कालवावे. त्याचे छोटे गोल किंवा चपटे वडे करून तळावे.

चटाणी किंवा सॉसबरोबर खायला द्यावे