संत्र्याची बर्फी

साहित्य :

  • ६ मोठी संत्री
  • ५०० ग्रॅम खवा
  • ५०० ग्रॅम साखर
  • १ संत्र्याची पाकवलेली साल
  • पिवळा रंग
  • थोडा केशरी रंग
  • ५-६ वेलदोड्यांची पूड.

कृती :

संत्री मधोमध कापून दोन भाग करावे. नंतर आपण मोसंबीचा रस काढतो तसा रस काढवा. खवा हाताने सारखा करावा.साखरेत संत्र्याचा रस घालून गोळीबंद पाक करा. नंतर त्यात केशरी रंग, वेलची पूड व संत्र्याची कुटलेली साल घाला. जरा ढवळून खाली उतरून घोटत राहा. चांगले घट्ट झाले की तूप लावलेल्या थाळीत ओतून थापा व वड्या पाडा.