शाही मशरूम

साहित्य:

  • २५० ग्रॅम मशरुम
  • १ वाटी हिरव्या वाटाण्याचे दाणे
  • १०० ग्रॅम पनीर
  • ४ कांदे
  • ३ टोमॅटो
  • १ लहान आल्याचा तुकडा
  • कोथिंबीर
  • १ लहान चमचा जीरे
  • १ लहान चमचा लाल तिखट
  • १/४ लहान चमचा हळद
  • १/४ लहान चमचा गरम मसाला
  • १ कप क्रीम
  • १ लहान चमचा मीठ
  • २ मोठे चमचे तूप
  • १/२ कप काजू पावडर
  • १/२ कप मावा
  • ८-१० बदाम

कृती:

शाही मशरूम

शाही मशरूम

मशरुम गोल चिरुन घ्या. पनीर लहान चौकोनी चिरा. कांदा व आलं मिक्सरमधून काढा. टोमॅटो वेगळे मिक्सर मधून काढा. कोथिंबीर चिरुन घ्या. बदाम बारीक चिरा.

एका कढईत तूप गरम करा. जीरे टाकून कांदा परता, लालसर झाल्यावर आल्याची पेस्ट टाका. २ मिनीटे परता आता परतून मिक्समधून काढलेला टॉमेटो टाका.

ग्रेव्ही तूप सोडायला लागल्यावर काजू पावडर व मावा टाका. हळद लाल तिखट, गरम मसाला व मीठ टाकून परता. आता पनीर, मशरुम व वाटाणे टाकून १ वाटी पाणी टाका. कमी गॅसवर झाकून शिजवा. भाज्या शिजल्यावर क्रीम टाका.

ग्रेव्ही शिजल्यावर गॅस बंद करा. वाढताना बदाम व कोथिंबीर टाकून वाढा.