शेतकरी

असे कोणते पान आहे ज्यावरी त्याचा लेख नाही
जो पोसतो जगाला त्याचा कुठेच उल्लेख नाही

मातीत शोधतो पुन्हा खोल अस्तित्व नांगराचा फाळ
संसार चालवूनी जगाचा कुठेच त्याची ढेक नाही

आड येते अज्ञान सदा अन भोवताली अंधार थांबलेला
उखडूनी पाऊल टाक पुढे ही काही ग्यानबाची मेख नाही

कष्टात वाहती नद्या मिळती कर्जातल्या सागराला
सावकार घालिती फेऱ्या इमान त्यांचे नेक नाही

रेषेत दाटले दारिद्र्य अन स्तंभावरी फास सदा
कष्टकऱ्याच्या वेदनेचा कुठेच कसा आलेख नाही

This entry was posted in मराठी कविता and tagged , , , , , , , , , on by .

About संतोष सेलुकर

सध्या प्रार्थमिक शिक्षक. चार वर्ष सर्व शिक्षा अभियान कार्यक्रमात विषयतज्ञ म्हणून कार्य. कविता संग्रह "दुरचे गाव" प्रकाशित झाला असुन अनेक वृत्तपत्रे मासिके यामधून कविता व ललित लेख प्रसिद्ध. १] राज्यस्तरीय कविता स्पर्धेत प्रथम क्रमांक. २] अखिल भारतिय साहित्य संमेलन नाशिक येथे कविता वाचन - विठ्ठल वाघ यांच्या अध्यक्षतेखाली. ३] जागल प्रतोष्ठाण पेठशिवणी, तेजोमयी प्रतिष्ठाण परभणी, चक्रधर स्वामी वाचनालय पालम यांच्या विविध कार्यक्रमांचे(वाड़मयीन) आयोजन व सहभाग. ४] विविध शैक्षणिक प्रशिक्षणातून तज्ञ मार्गदर्शक म्हणून काम केले.