आपल्या कविता,लेख,पाककृती मराठीमातीवर प्रसिद्ध करा, आजच आपले साहित्य पाठवा.

स्त्री भ्रुणहत्या थांबवा, लेक वाचवा

स्त्री भ्रुणहत्या

स्त्री भ्रुणहत्या

ती भयाण वादळी रात्र
आणि ती अघोरी हवा
कोणी बरे विझवला
तो चिमणासा दिवा ॥१॥

होत राहिली अशीच ‘स्त्री भ्रुणहत्या’
तर मिळेल कशी आई प्रेम देणारी
लाभेल का प्रेमळ बहिण आणि पत्नी
अन आजी रोज गोष्टी सांगणारी ॥२॥

‘मुलगा मुलगी समान’ हा नारा
आज प्रत्येक जण देतोच आहे
पण वर्तमानाची स्थिती पाहता
मुलीचे प्रमाण घटतेच आहे ॥३॥

उमलु द्या त्या कळीला
तिला अजुन जग पहायचय
फुलपाखरांमागे पळताना
तिला ह्ळुहळु फुलायचय ॥४॥

का मारता तिला मातेच्या गर्भात
कारण ती एक मुलगी आहे ?
जरा भुतकाळ तपासुन पहा
स्त्रीच जीवनाची शिल्पकार आहे ॥५॥

तेजस्विनी, कल्पना, कृष्णा, सुनिता
यशस्विनीची नावे किती सांगावी
स्त्रीमुळेच आहे आपले अस्तित्व
म्हणुनच स्त्री भ्रुणहत्या थांबवावी ॥६॥

जन्मु द्या त्या चिमुकलीला
सार्थक या जन्माचे होईल
पहाल तुम्ही, हिच चिमुरडी
एक दिवस आकाशी भरारी घेईल ॥७॥

वर्ग: , ,

प्रतिक्रियांच्या फीड्स साठी वर्गणीदार व्हा.

२ प्रतिक्रिया

प्रतिक्रिया द्या

आपला ई-पत्ता कुठेही प्रकाशित केला जाणार नाही. आवश्यक घटक असे दाखविले आहेत *

*
*