Tag Archives: अजित पवार

एक दिवसाआड पाणीपुरवठ्याचा निर्णय लांबणीवर

खडकवासला धरण

खडकवासला धरण

पाणलोटात होणाऱ्या पावसामुळे धरणांतील पाणीसाठ्यात सुधारणा झाली आहे आणि एक दिवसाआड पाणीपुरवठ्याचा प्रश्न आठवड्याभराने लांबला आहे. पालकमंत्री अजित पवार यांनी शुक्रवारी स्पष्ट केले की, याबाबतचा निर्णय १५ जुलैनंतर घेतला जाईल.

पुणे, पिंपरी-चिंचवड व ग्रामीण भागांतील पाणीटंचाईवर जिल्हा नियोजन समितिच्या बैठकीत चर्चा झाली. पवना धरणांत पुरेसा पाणीसाठा आहे व त्यामुळे पिंपरी-चिंचवडमध्ये पाणीकपात न करण्याचा निर्णय या बैठकीत घेण्यात आला. धरण क्षेत्रातील पावसामुळे पुण्यात एक दिवसाआड पाणीपुरवठा करण्याचा निर्णय लांबणीवर टाकण्यात आला आहे.

खडकवासला प्रकल्पात चार धरणे आहेत व त्या चारही धरणांत पाऊस पडत आहे. या आधी प्रकल्पाचा पाणीसाठा १.१२ टीएमसी होता व आता १.३३ टीएमसी झाला आहे. दौंड व ग्रामीण भागांतील तलाव या धरणांतून भरल्या जातात. जिल्हाधिकारी विकास देशमुख यांनी मुद्दा मांडला की, ‘हे तलाव तेव्हाच भरले जातील जेव्हा चांगला पाऊस पडेल. त्यामुळे पुणे शहराच्या पाणीवापरात काटकसर करण्याची गरज आहे व हे नियोजन सुरुच ठेवावे लागेल.’ पवार यांनी यावेळी सांगितले की, सध्या धरणात पाऊस पडत आहे. त्यामुळे काही प्रमाणात पाणीसाठा वाढला आहे. त्यामुळे एक दिवसाआड पाणीपुरवठ्याचा निर्णय १५ जुलैनंतर घेतला जाईल. त्यांनी हे सुद्धा स्पष्ट केले की, तीन-चार दिवसांत चांगला पाऊस पडल्यास पुण्याच्या पाण्याचा प्रश्नच मिटेल.