आपल्या कविता,लेख,पाककृती मराठीमातीवर प्रसिद्ध करा, आजच आपले साहित्य पाठवा.

उकडीचे मोदक

साहित्य :

  • २ भांडी बासमती तांदूळ पीठ
  • २ भांडी पाणी
  • चिमूटभर मीठ
  • १ चमचा लोणी किंवा साजूक तूप
  • अर्धा चमचा साखर

पुरणाचे साहित्य :

  • १ नारळ
  • पाव किलो गूळ
  • ५० ग्रॅम खवा (आवडीनुसार)

कृती :

उकडीचे मोदक

उकडीचे मोदक

पुरणासाठी असणारा नारळ थोडा भाजून घ्यावा (पाणी सुटू नये म्हणून) त्यात गूळ, खवा व १ चमचा तांदूळ पीठी घालावी. याप्रमाणे पुरण आधीच तयार करून ठेवावे. २ भांडी पाणी उकळत ठेवावे.पातेल्यातील पाण्याला अर्थवट उकळी आल्यावर त्यात लोणी, साखर घालावी. नंतर पाणी ढवळून त्यात पीठ घालावे व उलथन्याच्या टोकाने एकाच बाजूने ढवळावे. झाकण ठेवून वाफ आणावी. पंचा ओला करून तयार झालेली उकड गरम असतानाच मळून घ्यावी. तयार झालेल्या उकडीची पारी करुन त्यात पुरण भरावे व मोदकाचा आकार द्यावा. असे मोदक तयार करून १५-२० मिनिटे वाफवावेत.

हळदीच्या पानात वाफवल्यास स्वाद चांगला येतो.

वर्ग: , ,