कॉलीफ्लॉवरची भाजी

साहित्य :

  • ५०० ग्रॅम कॉलीफ्लॉवरचे तुरे
  • ३ मध्यम टोमॅटो
  • २ मध्यम कांदे
  • ३ हिरव्या मिरच्या
  • १ इंच आले ( किसलेले)
  • ४ चमचे तेल
  • अर्धा चमचा जिरे
  • अर्धा चमचा हळद
  • पाव हळद
  • पाव चमचा लाल तिखट
  • अर्धा चमचा गरम मसाला
  • १ चमचा मीठ (किंवा जरा जास्त)
  • १ चमचा धनेजिरेपूड

कृती :

कॉलीफ्लॉवरचे नीट साफ केलेले तुरे (फुले) पंधरा मिनिटे पाण्यात ठेवावे. त्यात दोन चिमट्या हळद घालावी. नंतर भाजी पुन्हा धुवून चाळणीवर निथळत ठेवावी. मिरच्या कांदे व टोमॅटो बारीक चिरावे.

एका रुंद पातेल्यात तेल तापत ठेवावे. त्यात जिरे व कांदा घालावा. त्यात मिरच्या व आले घालून तीनचार मिनिटे परतावा. त्यावर फ्लॉवर घालावा व टोमॅटो घालावे. झाकणीवर पाणी ठेवून मंद आंचेवर भाजी शिजत ठेवावी. अधूनमधून ढवळावे. अर्धवट शिजली की हळद, तिखट, धनेजिरेपूड व मीठ घालून ढवळावे. शिजली की वरून गरम मसाला शिवरावा. दोन मिनिटे चुलीवर ठेवून हलक्या हाताने भाजी परतावी व उतरवावी.