जिकडे जावे तिकडे

जिकडे जावे तिकडे सारा बाजार असे भरलेला
माणुस विकतो माणूसकीला भाव असे ठरलेला
पेटलेल्या गावातून पाहणारांची गर्दी दाटे
पुढे होऊन विझविण्यासाठी कुणी नसे उरलेला
नादात भांडणाच्या रक्त सांडले चोहीकडे
सोडविणारा कोण आहे हात त्याचा धरलेला
सारीकडे भ्रष्टाचार अनागोंदीस पूर येतो
पावलो पावली नीत्तिमतेला जो तो विसरलेला
बोलतो कोण ऐकतो कोण ईशाऱ्यातील भाषा सारी
खून, दरोडे, चोऱ्या मारून कुणी असे पुरलेला
भेटलेला कोण कसा ओळखायला शिकू या
जीवन सारे अवघड झाले हाच मार्ग असे उरलेला

This entry was posted in मराठी कविता and tagged , , , , , on by .

About संतोष सेलुकर

सध्या प्रार्थमिक शिक्षक. चार वर्ष सर्व शिक्षा अभियान कार्यक्रमात विषयतज्ञ म्हणून कार्य. कविता संग्रह "दुरचे गाव" प्रकाशित झाला असुन अनेक वृत्तपत्रे मासिके यामधून कविता व ललित लेख प्रसिद्ध. १] राज्यस्तरीय कविता स्पर्धेत प्रथम क्रमांक. २] अखिल भारतिय साहित्य संमेलन नाशिक येथे कविता वाचन - विठ्ठल वाघ यांच्या अध्यक्षतेखाली. ३] जागल प्रतोष्ठाण पेठशिवणी, तेजोमयी प्रतिष्ठाण परभणी, चक्रधर स्वामी वाचनालय पालम यांच्या विविध कार्यक्रमांचे(वाड़मयीन) आयोजन व सहभाग. ४] विविध शैक्षणिक प्रशिक्षणातून तज्ञ मार्गदर्शक म्हणून काम केले.