नवरतन कोरमा

साहित्य:

  • १०० ग्रॅम पनीर
  • १०० ग्रॅम गाजर व बटाटे चौकोनी चिरलेले
  • १०० ग्रॅम मटार व घेवडा चिरलेला
  • ३ टॉमेटो
  • २ कांदे
  • १ लहान चमचा आल्याची व लसूण पेस्ट
  • १/२ लहान चमचा हळद
  • २ लहान चमचे धणे पावडर
  • १/२ लहान चमचा लाल तिखट
  • १/२ लहान चमचा गरम मसाला
  • १ कप दूध
  • ३ मोठे चमचे क्रीम
  • ३ चमचे तूप
  • मीठ चवीप्रमाणे
  • ५० ग्रॅम काजू
  • चांदी वर्क १ पान

कृती:

नवरतन कोरमा

नवरतन कोरमा

गाजर व बटाटे लहान चिरुन उकडून घ्या. मटार सोलून घ्या. घेवडा बारीक चिरा. पनीर लहान चौकोनी तुकडे करुन, तळून घ्या.

कांदा मिक्सरमधून काढा व टॉमेटो १० मिनीटे गरम पाण्यात टाकून साल काढा व टॉमेटो विरुन घ्या. आले व लसूनची पेस्ट तयार करा.

कढईत तूप गरम करा व कांदा टाकून परता नंतर आले लसूण पेस्ट व टॉमेटो टाकून परता, धणे पावडर, तिखट, गरम मसाला व मीठ टाका.

परता जोपर्यंत ग्रेव्ही तूप सोडेल दूध टाकून मिक्स करा आता याच्यात पनीर, गाजर, बटाटा, मटार व घेवडा टाका. काजूचे तुकडे टाकुन थोडे पाणी टाका.

गॅस बंद करून क्रीम टाका व चांदीच्या वर्कने सजवून गरम वाढा.