स्टफ पोटॅटो

साहित्य:

  • ६ बटाटे
  • १ गाजर
  • १/४ कप वाटाणे
  • १/४ कप घेवडा
  • १ कांदा
  • १/२ कप दही
  • १ चमचा सोया सॉस
  • २ कप व्हाईट सॉस
  • ३ चीज क्यूब्स
  • १/२ लहान चमचा लाल तिखट
  • १/२ लहान चमचा काळी मिरी
  • मीठ चवीप्रमाणे
  • १ चमचा तेल

कृती:

स्टफ पोटॅटो

स्टफ पोटॅटो

बटाटे उकडून सोलून घ्या. बटाटे थोडे कमी उकडा. गाजर सोलून लहान लहान तुकडे करा. घेवडा पण बारीक चिरुन घ्या.

गाजर, मटार व घेवडा उकडून घ्या म्हणजे थोडा नरम होईल. बटाटे मधून पोकळ करा. बटाटा आख्खाच राहिला पाहिजे. कांदा, सोलून बारीक चिरून घ्या. कढईत कांदा फोडणीला टाका. थोडा गाजर, वाटाणा व घेवडा टाका. मीठ, लाल तिखट व सोया सॉस टाकून एकत्र करा व परता.

गार झाल्यावर बटाट्यात भरा. व्हाइट सॉसमध्ये दही, मीठ, काळी मिरी पावडर व किसलेली चीज टाका. एक बेकींग डिश घ्या, त्याच्यात बटाटे ठेऊन वरून व्हाईट सॉस टाका व उरलेला चीज टाका.

ओवन आधी १० मिनीटे गरम करा. गरम ओवनमध्ये ४०० डिग्री फे. वर लालसर बेक करा. गरम-गरम वाढा.