Tag Archives: तूर डाळ

तूर डाळीचा पुलाव

साहित्य :

  • ३ वाट्या तांदूळ
  • १ वाटी तुरीची डाळ
  • २०० ग्रॅम कांदे
  • १०-१२ लसूण पाकळ्या
  • २ इंच आले
  • २०० ग्रॅम गाजरे
  • २०० ग्रॅम बीन्स (श्रावणघेवडा)
  • २ मोठे तुकडे दालचिनी
  • ४ वेलदाडे
  • ७-८ मिरी
  • २ चमचे (चवीनुसार) मीठ
  • ४ मोथे चमचे तूप
  • आवडीनुसार सजावट

कृती :

तूर डाळीचा पुलाव

तूर डाळीचा पुलाव

डाळ व तांदूळ एकत्र धुवून तासभर बाजूला ठेवावी. बीन्सचे लहान तुकडे चिरावे. गाजराच्या चकत्या कराव्या. कांदे उभे चिरावे. आले-लसूण बारीक वाटावे. दालचिनी, मिरी व वेलदोडे एकत्र कुटावे.

तुपावर कांदा गुलाबी तांबूस परतावा व त्यावर आले-लसणाची गोळी व भाज्या घालून २-३ मिनिटे परताव्या. त्यावर डाळ-तांदूळ घालून ३-४ मिनिटे परतावे.

९ वाट्या गरम पाणी, कुटलेली मसाला पूड व मीठ घालावे. पुलाव कुकरमध्ये शिजवावा. वाढण्यापूर्वी चमचाभर साजूक तूप वरून सोडावे.